Фронтменот на Foo Fighters на Instagram призна дека ја изневерил сопругата и дека има вонбрачно дете

Дејв Грол јавно призна дека ја изневерил својата сопруга Џордин Блум и дека добил вонбрачно дете со друга жена.

55-годишниот фронтмен на групата Foo Fighters ги шокираше фановите со Instagram постот објавен вчера. Грол напиша дека планира да се грижи за својата вонбрачна ќерка и да ѝ даде љубов.

„Неодамна станав татко на ќеркичка, родена надвор од мојот брак. Планирам да бидам родител кој ќе ѝ даде љубов и поддршка. Ја сакам мојата сопруга и моите деца и правам сè што можам за да ја вратам нивната доверба и да ја заслужам нивната прошка. Благодарни сме за вашето внимание кон сите вклучени деца додека продолжуваме напред заедно“ – напиша тој.

Грол и Блум се запознаа во 2001 година, а стапија во брак две години подоцна. Тие имаат три ќерки, 18-годишната Вајолет, 15-годишната Харпер и 10-годишната Офелија.

Тие беа фотографирани насмеани пред само два месеци за време на финалињата на Вимблдон во Лондон.