Крис Хемсворт заведува од страниците на машкото списание „Details“. 30-годишниот актер, кој постојано си го зголемува бројот на обожавателки со шармот и привлечниот изглед, позираше за списанието на егзотична локација во Мајами.
Ѕвездата од „The Avengers“ и „Thor“ откри дека со сопругата Елза Патаки не се сигурни точно на кој датум стапија во брак. Заедно со блиски пријатели и роднини пред две години отпатувале на краток одмор на остров каде си го кажале судбоносното „Да“, но секогаш спореле за тоа кој е точниот датум.
Кога бил прашан за свадбениот ден, Хемсворт одговорил: „Хм, би требало да го знам одговорот на ова прашање. Постои спор... Па, одговорот на прашањето за мојот свадбен ден е: некој ден во декември.“
Крис Хемсворт и Елза Патаки