Џенифер Лопез редовно добива свое место на многу листи за најдобро облечени жени и секогаш привлекува внимание со модниот избор. Познатата пејачка се враќа во жирито на American Idol со стил.
45-годишната ѕвезда беше фотографирана во две секси изданија за време на снимањето на 14. сезона на музичкото шоу.
Прво Лопез мамеше погледи со долг фустан со принт зебра од Роберто Кавали и елегантен шешир во стилот на 70-тите години.
Нејзиниот втор впечатлив стајлинг вклучуваше црн фустан со чипка од Зухаир Мурад и обувки од Азедин Алаја.
Лопез изгледа фантастично за својата возраст, а таа вели дека годините не треба да определуваат како да се чувствува една личност. „Мораш да знаеш дека не исчезнуваш откако ќе наполниш 28 години. Можеш да бидеш тука, можеш да бидеш полна со живот и млада и секси“ – изјави таа за „The Insider“.