Ќерките на првиот човек на Формула 1, Тамара и Петра Еклстоун, го обожаваат луксузот. 23-годишната Петра минатата година купи една од најскапите куќи во САД за околу 90 милиони долари, а нејзината сестра се преселува во нов луксузен дом во Лондон од 72 милиони долари.
Огромен простор од новата куќа на Тамара е отстапен за нејзиниот „плакар“. Облеката и обувките на богатата наследничка се разделени во неколку секции – вечерна облека, чанти, кежуал и облека за во фитнес сала, секојдневна облека...
Меѓу многуте обувки можете да најдете 120 пара кои доаѓаат од рацете на Кристијан Лобутин, а во просек чинат по 800 долари.
Тамара е голема обожавателка на чантите, особено на оние со висока цена, па сосема очекувано е на фотографиите да видите Биркин чанта. Додека некои славни ѕвезди се гордеат што имаат 2-3 Биркин чанти, Тамара може да се пофали со импресивна колекција од 30 Биркин чанти. Само за информација, секоја од тие луксузни чанти чини од 9.000 до 150.000 долари.
Колекцијата Биркин чанти
Зборувајќи за љубовта кон чантите и реакциите на својот татко Берни Еклстоун, Тамара за британскиот „InStyle“ изјавила: „Понекогаш тој ми вели: Уште една чанта, Тамара? Тоа е малку лудо... Сметам дека му е мило што не повредувам други луѓе. Никогаш не сум била на рехабилитација. Може да биде полошо.“
Полниот плакар на Тамара ја зачудувал и нејзината мајка. „Мојата мајка влегува во плакарот и вели: Ти си болна Тамара! Ова не е нормално! Веројатно и не е, но... тоа ме прави среќна“ – вели таа.
Планот за плакарот на Тамара
Во новиот дом Тамара ќе ја однесе и кристалната када која минатата година си ја купи за 1,5 милиони долари.
Кадата од 1,5 милиони долари