ФОТО: Ванеса Паради се омажи, а по свадбата со ќерка си Лили-Роуз присуствуваше на ревијата на Шанел

Ванеса Паради живее мошне возбудлив период од животот. 45-годишната актерка и музичарка му кажа ДА на Самуел Беншетри на церемонија во Франција. Младенците беа фотографирани непосредно откако запливаа во брачните води.

Ова е прв брак на Ванеса, која имаше 14-годишна врска со Џони Деп, со кого има две деца – Лили-Роуз Мелоди Деп и Џон „Џек“ Кристофер Деп III.

Непосредно по свадбата, Ванеса отпатува во Париз каде присуствуваше на ревијата на Шанел заедно со Лили-Роуз. Стилското дуо редовно соработува со популарната модна куќа.