Фред Џиованити е татко кој пронајде начин како да ја одржи цврста врската со своите три деца и во моментите кога е далеку од нив.
Талентираниот татко често патува со авион и за време на летовите, со помош на дрвени боици ги оживува имагинативните цртежи на ќерката Софија и двата сина, Џакстон и Фреди.
Фред со својата фамилија живее во Делавер, но поседува студио за тетовирање во Лас Вегас, каде престојува по 10 дена месечно, па затоа патува многу често.
Откако неговите дела го обиколија светот, Фред на Imgur сподели и како започнала традицијата. „Моите деца обожаваа да ми цртаат слики за да ги чувам блиску до себе додека патувам. Еден ден ќерка ми не стигна навреме да ми наслика нешто, па непосредно пред да заминам, таа набрзинка ми нацрта цртеж. Во авионот јас редовно си носам блок за цртање и боици. Конкретно на тоа патување, наместо да цртам во мојот блок, решив да го обојам цртежот на ќерка ми на истиот начин како што би ги обоил моите цртежи“ – пишува тој.
Се разбира, децата секогаш се одушевени од крајните резултати, што е доволно силна причина за Фред веќе четири години да ги обојува нивните фантазии на лист хартија.
Софија, Џакстон и Фреди
Фред со своите деца