Синоќа во Беверли Хилс се одржа доделувањето на Hollywood Film Awards. На манифестацијата присуствуваа големи ѕвезди од светот на филмот.
Вил Смит беше удостоен со наградата Најдобар актер, додека статуетката Најдобра актерка заврши во рацете на Кери Малиган. Џејн Фонда ја прими наградата Најдобра актерка во споредна улога, а Бенисио Дел Торо беше прогласен за Најдобар актер во споредна улога.
Роберт Де Ниро ја прими Наградата за постигнувања во кариерата, а Том Хупер наградата за Најдобар режисер.
На свеченоста присуствуваа Џони Деп со својата сопруга Амбер Херд, Ченинг и Џена-Деван Тејтум, Дакота Џонсон, Рајан Гослинг, Рис Витерспун, Џејми Фокс, Селена Гомез, Џејк Џиленхал, Мишел Родригез, Вин Дизел, Џордана Брустер и Курт Расел.
