Зухаир Мурад креираше златна „couture“ колекција. Дизајнерот кој ги освои Џенифер Лопез, Блејк Лајвли, Марион Котијар, Тејлор Свифт и Кристен Стјуарт, во Париз презентираше раскошна колекција во која доминираат златните нијанси.
Наречена „Златна возраст“, колекцијата сигурно ќе го намами окото на обожавателките на ултимативниот луксуз. Длабоките деколтеа, високите шлицови, асиметричните форми, провидните материјали и извезените блескави детали придонесуваат фустаните да изгледаат богато, моќно и да шират сексапилна привлечност.
Наметките пак ја зголемија драматичноста на дел од креациите. Особен впечаток оставаше наметката од златно-бели пердуви.
