Џенифер Анистон ги разубавува страниците на новото издание на „InStyle“ UK.
Зад фото-објективот застанал Микеланџело Ди Батиста додека привлечната актерка позирала во креации од брендови како Валентино, Дона Каран, Ланвин и Салваторе Ферагамо.
Во интервјуто за списанието, Анистон изјавила дека не е обожавателка на ботокс и пластични операции. „Луѓето губат перспектива. Кога ќе погледнам наоколу, гледам колку лошо може да се одразат пластичните операции и инјекциите. Па, јас само се грижам за својата кожа, добро се хранам и вежбам“ – рекла 46-годишната актерка.
Холивудската ѕвезда додала и дека 40-тите ѝ се најдобрите години во животот. „Можеби е потешко да го изгубиш вишокот килограми, но сите други нешта се прекрасни. Размислував за девојката која бев во моите дваесетти, па дури и триесетти години. Тогаш имав многу прашања и грижи, си го полнев мозокот со неважни нешта“ – рекла таа.
