Захија Дехар крена голема прашина пред две години, кога беше откриено дека тројца француски фудбалери, меѓу кои и Франк Рибери, ѝ плаќале илјадници евра за сексуални услуги. Фудбалерите се најдоа во центарот на голем скандал затоа што Захија имала само 17 години кога била со нив.
Веднаш по скандалот, Захија ја искористи присутноста во медиумите за да се промовира како модел, но сега таа е дел од модниот свет на поинаков начин – со свои колекции долна облека.
Захија ја претстави својата втора „couture“ колекција долна облека и тоа во рамките на Париската недела на високата мода, каде своите колекции премиерно ги претставуваат најзвучните дизајнерски имиња.
Провокативната колекција вклучува минијатурни танга гаќички, градници украсени со кристали, блескави додатоци кои ги прекриваат само брадавиците, провидни фустани...
На крајот, на пистата се појави и самата Захија, облечена во „невестинска“ креација.
Захија Дехар
