Бројни ѕвезди од светот на филмот присуствуваа на синоќешната манифестација Hollywood Film Awards.
На свеченоста која се одржа во Беверли Хилс, Том Хенкс ја прими наградата Најдобар актер за филмот „Sully“, додека Натали Портман беше удостоена со наградата Најдобра актерка за улогата во „Jackie“.
Во рацете на Хју Грант заврши наградата Најдобар актeр во споредна улога, а Никол Кидман беше прогласена за Најдобра актерка во споредна улога.
Мел Гибсон со „Hacksaw Ridge“ ја освои наградата Најдобар режисер, а дизајнерот Том Форд со „Nocturnal Animals“ стигна до наградата Најдобар нов режисер.
Леонардо Дикаприо и Фишер Стивенс победија во категоријата Најдобар документарен филм со „Before the Flood“.
Zootopia беше прогласен за Најдобар анимиран филм.
Еди Марфи ја прими Наградата за постигнувања во кариерата.
„The Jungle Book“ е Најдобар холивудски блокбастер, а „Can’t Stop the Feeling“ му ја донесе на Џастин Тимберлејк наградата Најдобра песна.
Целосната листа на наградени можете да ја погледнете тука.