Актуелната колекција обувки на Маноло Бланик следи елегантни линии и е доста разновидна, бидејќи ја отсликува комплексноста на инспирацијата на славниот дизајнер.
Шпицот како тренд кој тешко може да се игнорира се вклопува во силуетата на повеќето модели. Смирените зимски нијанси доминираат, но колоритноста е застапена кај класичните „BB“ обувки.
Разгледувајќи ја колекцијата, не може да не забележите дека преовладуваат еднобојните чевли со тенка штикла и преден шпиц. Станува збор за чевлите „BB“, кои се врзуваат за брендот на Бланик од 2009 година. Инспирирани од модата од 50-тите години, едноставните чевли се именувани според Брижит Бардо. За студената сезона Маноло претстави повеќе верзии, изработени од различни материјали, или пак, со дополнително ремче на глуждот.
