Зухаир Мурад убедливо го проширува својот бизнис и кон обувките и чантите. Освен на гламурозните фустани, либанскиот креатор го става својот потпис и врз елегантни модни додатоци.
Кај обувките од колекцијата есен/зима 2014 се забележува геометриска игра со ремчиња, зачувани се класични силуети, а луксузниот ефект е постигнат преку кадифе, чипка и блескави кристали. Особено впечатливи се високите чизми обвиени со долг метален патент.
Црно-златната комбинација преовладува кај чантичките кои се наменети за посвечени прилики.
