Минимална ексцентричност, невообичаени контрасти, рокенрол вибрации и ненаметлив гламур владее во актуелната колекција на Брајан Етвуд.
Американецот, кој обожава да вметнува луксуз и сексапил во своите дизајни, за кратко време влезе во малиот круг на најомилени женски креатори, а неговите креации константно газат по црвениот тепих на холивудските свечености.
Колекцијата есен/зима 2014 е заснована на смели силуети и впечатливи елементи, како златни дезени, разиграни реси, перфорации и интригантни мрежести структури. Богатите текстури внесуваат посакувана доза динамика кај секој модел.
