Брајан Етвуд отвори многу усти со жешката кампања со Кендис Сванапул. Со смелиот краток рекламен спот популарниот дизајнер создаде многу силна асоцијација на неговите обувки со сексот и повеќекратно го зголеми интересот за колекцијата есен/зима 2012.
Денес Етвуд на подновениот официјален сајт ја објави новата колекција, која е олицетворение на сексапил, храброст и луксуз. Обувките со висока штикла сè уште доминираат во неговите колекции, креирајќи ја силуетата поради која тој стана популарен меѓу многу славни дами.
Егзотични кожи, животински принт, живи бои, длабоки нијанси, неутрални тонови, впечатливи детали и модерни форми ја карактеризираат актуелната колекција.
Етвуд на интересен начин ги претстави своите најнови чанти.
