Џузепе Ѕаноти откри кои стилови ќе доминираат кај обувките наредната година. Италијанскиот дизајнер претстави гламурозна и софистицирана колекција, идеална за обожавателките на обувки кои оставаат впечаток.
Златните детали доминираат на црните обувки и им даваат посилен изглед на елегантните силуети. Реси, синџири, нитни, боцки, алки, големи токи... Ѕаноти експериментира и со воочливите детали, но и со стиловите. Низ колекцијата можете да видите префинети сандали креирани за најсвечени прилики, класични чевли со отворени прсти, чизмички во каубојски стил, елегантни слипери, ниски сандали, но и модерни патики со патенти и платформи.
