Чезаре Пачоти одговори на женската желба за модернистички обувки. Во колекцијата пролет/лето 2013, италијанскиот дизајнер го стави фокусот на елегантните силуети и впечатливите детали, меѓу кои и препознатливата кама.
Поигрувајќи си со дебелината на ремчињата, Пачоти создаде сандали кои се разликуваат по стилот и нивото на елеганција, но на ист начин го задоволуваат критериумот за несекојдневна визуелна привлечност.
Во основата на колекцијата се провлекуваат луксузните црна и црвена боја, но повремената употреба на ведри бои е потсетник дека Пачоти ја креирал колекцијата за топлата сезона.
