За време на викендот се одржа 24-тото по ред доделување на Kids’ Choice наградите. По тој повод, познатите холивудски ѕвезди прошетаа по портокаловиот тепих и покажаа малку полежерна мода.
Портокаловите цепелини отидоа во рацете на некои од најпознатите актери и актерки, пејачи и пејачки.
Џастин Бибер ја доби наградата за Најдобар пејач, а неговата „Baby“ беше прогласена за Најдобра песна. Кети Пери беше удостоена со наградата за Најдобра пејачка, а Black Eyed Peas добија награда за Најдобра музичка група.
Џони Деп освои награда за Најдобар актер и го искористи појавувањето на сцена за да ја испрска публиката со зелена кал, којашто е заштитен знак на оваа манифестација.
Освен публиката, зелена кал врз глава доби и Хајди Клум, а и сопругот на Ферги, Џош Духамел.
Мајли Сајрус беше прогласена за Најдобра актерка, Селена Гомез за Најдобра актерка од телевизиските екрани, а „The Karate Kid“ за Најдобар филм. Џастин Тимберлејк доби специјална награда за неговата хуманитарна дејност.
Џони Деп ја прска публиката со зелена кал
Хајди Клум беше потурена на сцената со зелена кал
Ник Канон ѝ се смее на Хајди
Џастин Тимберлејк