Кога во 2010 година беше откриено дека тројца француски фудбалери меѓу кои и Франк Рибери ѝ плаќале илјадници евра на 17-годишна проститутка за сексуални услуги, нивната репутација беше уништена. Од друга страна, младата проститутка Захија Дехар добро ја искористи стекнатата популарност.
Набрзо по скандалот, Захија се појави на насловните на неколку списанија како модел за долна облека, а доби и улога во неколку реклами. Но, последниот проект на русокосата Мароканка е на многу повисоко ниво. Захија лансираше своја колекција долна облека која ја презентираше за време на Париската недела на високата мода.
Захија Дехар
Промотивните фотографии за колекцијата на 19-годишната нова „дизајнерка“ се сликани од никој друг, туку од самиот Карл Лагерфелд. Колекцијата не е дизајнирана од Захија, туку од тројца други дизајнери.
На крајот од модната ревија се појавила и Захија во проѕирна креација со цветови.
Во Франција проституцијата е легална, но само над 18 години. Ако тројцата фудбалери вмешани во скандалот беа осудени, ќе требаше да лежат по 3 години затвор и да платат илјадници евра казна. Рибери тогаш призна дека ѝ плаќал на Захија, но изјави дека не знаел дека е малолетна.