ФОТО: Мало девојче морало да носи фластер на окото, па таткото се погрижил тоа да биде забавно

Грижлив татко секојдневно ја развеселува својата ќеркичка преку креативните цртежи кои ги црта на фластерите што таа ги носи на едното око.

Малата Лејла била родена со катаракта на десното око. Со цел да го развие правилно своето болно око, таа морала да носи лепенка на здравото. Лејла ги носи фластерите по 2 часа дневно за да се спречи појава на мрзливо око (амблиопија).

Но, татко ѝ Геоф немал намера да дозволи фластерот да ја иритира Лејла, туку ја претворил непријатната обврска во забавна активност. Тој секој ден црта нов цртеж на фластерите кои ќерка му мора да ги носи додека да наполни четири години. Потоа, фотографиите ги објавува на Instagram.

„Ова би требало да ја спречи појавата на мрзливо око и да спречи операција ако имаме доволно среќа“ – вели Геоф.

Фотографиите од Лејла едноставно се неодоливи.