Мадона објави три нови фотографии наменети за промовирање на нејзиниот најнов музички албум. За создавањето на провокативните фотографии 53-годишната поп ѕвезда соработувала со фотографското дуо Мерт и Маркус.
Облечена само во долна облека и лакирани чизми високи до над колена, Мадона позира заводнички, гледајќи директно во објективот на фотоапаратот.
На црно-белата фотографија популарната кралица на поп музиката се појавува со мрежеста туника под која се проѕира чипкаст градник.
За време на викендот Мадона објави и видео најава за спотот за песната „Girl Gone Wild“, кој како и фотографиите, најверојатно ќе биде провокативен. Новиот албум на Мадона ќе биде пуштен во продажба на 26 март.