Луксузната вила во Мајами во која живееше и пред чии порти беше убиен Џани Версаче е објавена за продажба.
Легендарниот дизајнер го купи имотот во 1992 година и потроши 33 милиони долари за да го реновира и прошири. Но, пет години подоцна беше фатално прострелан токму на влезните скалила. По трагичниот настан, неговата сестра, Донатела Версаче, му ја продаде куќата за 20 милиони долари на милијардерот Петер Лофтин, кој е сопственик до денес.
Вкупно 10 спални и 11 бањи се наоѓаат во големата куќа која наликува на музеј, со насликани ѕидови и многу статуи и барокни елементи. Ентериерот на куќата многумина го исмејуваа и го опишуваа како кич, но според сегашниот сопственик, целиот имот наречен „Casa Casuarina“ е уметничко и историско дело на еден гениј. Најзабележителен е големиот базен со мозаик порабен со 24-каратно злато.
