Лејди Гага е заштитно лице на Версаче, па не е изненадување што беше почесна гостинка на ревијата на висока мода која се одржа синоќа во Париз.
27-годишната поп-ѕвезда пристигна на модното шоу заедно со Донатела Версаче, облечена во елегантна мрачна креација од италијанската модна куќа. Црната облека и русите коси придонесоа ексцентричната пејачка и славната креаторка да изгледаат како да се крвно поврзани.
По завршувањето на ревијата, Гага имала само пофални зборови за новата колекција и рекла дека шоуто било како остварен сон.
Гага и Донатела се блиски пријателки, а неодамна започнаа и бизнис соработка. Имено, музичката ѕвезда е заштитно лице на Версаче за сезоната пролет/лето 2014.