Македонските градови полека ги обзема празничната магија.
Вчера се одржа свеченото осветлување на елката во Крива Паланка и беа откриени многу декорации кои ќе им го разубавуваат секојдневието на жителите во претстојниот период.
Видео
Од Општина Крива Паланка споделуваат:
Предновогодишната бајка повторно го прегрнува нашиот град…
Крива Паланка блеска со својата најубава празнична светлина, претворајќи ги улиците, плоштадите и секој скриен агол во дел од една вистинска зимска приказна.
Илјадници светилки трепкаат за да нè потсетат дека чудата и магијата навистина постојат, особено во денови како овие.
Градот дише со една нова, празнична енергија.
Продолжуваме да ја негуваме традицијата со топла празнична атмосфера за сите сограѓани.
За нашата најубава и блескава Крива Паланка.
Фото: Официјална Фејсбук страница на Општина Крива Паланка