Познатиот супермодел Клаудија Шифер ја имаше честа да биде рекламно лице на новата есенска колекција престижни очила на Шанел.
40-годишната манекенка со замазнета фризура и цветови во косата застана пред објективот на самиот Карл Лагерфелд за да ги презентира новите очила.
Клаудија ги покажува силните, но сепак романтични модели со елегантен дизајн. Ако се загледате одблиску, веднаш ќе ги забележите невообичаените „рачки“ кои наликуваат на препознатливите синџирчиња од чантите Шанел.
