На модните ревии редовно манекенките ги разголуваат своите тела. Не е новост и воопшто не е чудно да се видат разголени гради на пистите на модните недели. Но, кога тоа ќе го направи член на семејството Кардашијан, тогаш се крева гласна медиумска врева.
Кендал Џенер беше една од манекенките кои дефилираа на ревијата на Марк Џејкобс за време на Њујоршката недела на модата. Со перика на главата и многу шминка, 18-годишната ТВ ѕвезда изгледаше непрепознатливо, а проѕирната блуза која ја носеше ги откри нејзините гради, па го привлече вниманието на светските медиуми.
Семејството на Кендал веднаш побрза да ѝ честита за тоа што успеа да биде дел од шоуто на Марк Џејкобс, но многумина не штедеа лоши зборови, коментирајќи го нејзиното прво претставување на ревија на славен дизајнер.
Веднаш по ревијата, „Вог“ објави дека Кендал позираше во најнови креации кои деновиве беа презентирани во Њујорк за нивниот проект #VogueInstaFashion.
