Кендал Џенер изгледа софистицирано на фотографиите од фотосесијата за австралискиот „Miss Vogue“. 17-годишната телевизиска ѕвезда позираше пред Расел Џејмс во дизајнерски креации кои ги истакнаа нејзините долги нозе.
„Нозете на Кендал... љубоморна сум!“ – напиша Ким Кардашијан на Twitter, коментирајќи ги фотографиите на својата полусестра.
Кендал веќе неколку години работи како модел. Таа потпиша договор со агенцијата за модели „Wilhelmina“ уште на 14-годишна возраст. Меѓутоа, фотосесијата за „Miss Vogue“ е голем успех, бидејќи како што истакна самиот фотограф, многу малку модели успеваат да стигнат до корицата на познатото списание.
