Модната куќа Шанел ја презентираше новата колекција висока мода во Париз со гламурозна ревија во која учествуваа Кендал Џенер, Бела Хадид и Лили-Роуз Деп.
Славните модели дефилираа на пистата во рачно изработени креации од колекцијата пролет/лето 2017 година.
21-годишната Кендал мамеше погледи во блескав фустан со пердуви додека чекореше на огледалната модна писта.
Хадид претстави црна креација со сребрено-сини детали дизајнирана од Карл Лагерфелд, креативниот директор на Шанел.
Модното шоу во Градот на светлината го затвори Лили-Роуз, која беше избрана да го носи екстравагантниот розов невестински фустан. 17-годишната ќерка на Џони Деп и Ванеса Паради постојано соработува со францускиот бренд и честопати е ангажирана за ревии и кампањи.
