Кристијан Лобутин го тргна превезот на таинственоста и обелодени дел од својата нова колекција, наменета за сезоната пролет/лето 2015. Францускиот дизајнер уште еднаш докажа дека е искусен магионичар кој инстантно може да го освои секое женско срце.
Елегантните обувки освојуваат со префинетост и отменост. Низ нив се насетува носталгија по класиката, но и ентузијазам за модерни новитети. Класичниот модел „So Kate“ отскокнува во неколку варијации кои пленат или со богата текстура или со динамичен принт.
Боцките се препознатливиот елемент со кој Лобутин експериментира веќе подолго време, па и сега прекриваат многу од моделите. Црвената боја, која стои во темелите на брендот, ги обојува ѓоновите, но и внатрешноста на паричниците и чантите.
