Престижната лондонска стоковна куќа „Хародс“ ќе направи изложба на најнезаборавните тоалети на либанскиот дизајнер Ели Сааб.
Ултраженствените креации, кои холивудските ѕвезди како Бијонсе, Хали Бери, Пенелопе Круз и Кристен Стјуарт ги носеа на црвениот тепих, ќе бидат изложени за сите заинтересирани. До секоја тоалета ќе има и фотографија од ѕвездата облечена со конкретниот фустан.
Еве со кои креации Ели Сааб остави најголем впечаток на големите настани како филмските награди Оскар, Канскиот филмски фестивал и многу интернационални филмски премиери.
