„Burberry“ најавува нежна и женствена модна пролет. Луксузниот британски бренд привлекува со деликатни пастелни бои, едноставни дизајни и шармантни детали.
Цветните апликации ја зголемуваат романтиката во колекцијата, а точкестиот принт ѝ дава ретро вибрации. Кај софистицираните обувки акцентот е ставен на удобноста, па не се малку рамните обувки за сигурни чекори.
Покрај чантите и очилата за сонце, во колекцијата се вклучени и шалови од кашмир, свилени марами и модерни футроли за мобилни телефони.
