Пронајдете го Џорџ Клуни на точкестите фотографии. Холивудскиот шармер е ѕвездата од специјалното издание на списанието „W“ посветено на уметноста.
На неколку од фотографиите 52-годишниот актер носи необичен костум со точкест принт кој се совпаѓа со позадината.
Костумите за фотосесијата се од модната куќа Армани.
Во интервју за списанието, Џорџ открил кои жени од светот на филмот имаат стигнато до неговото срце. „Кога бев дете, бев заљубен во Одри Хепберн. Го гледав Roman Holiday кога имав 11 години и си помислив дека таа е најелегантното нешто што сум го видел. Се заљубив лудо во неа. Исто така отсекогаш ја сакав Грејс Кели. Кога гледав како излегува од водата во To Catch a Thief, си помислив дека таа е најубавата жена која ја имам видено“ – рекол тој.
