За оскаровската ноќ, Џенифер Лопез побара стилска поддршка од незаменливиот Ели Сааб. Иако не беше номинирана за освојување на награда, Лопез не го пропушти моментот за да блесне на црвениот тепих во Холивуд.
45-годишната ѕвезда, која по осми пат чекореше на оскаровскиот црвен тепих, шармираше во раскошен фустан изработен од слоеви бежово-розов тул и декориран со бисери, блескави камења и пулејки. Волуменозната креација е од колекцијата висока мода есен/зима 2014 на популарниот либански дизајнер.
Свечениот стајлинг Лопез го комплетира со чантичка од Салваторе Ферагамо, накит од Нил Лејн и обувки од Џузепе Ѕаноти.
На големата сцена Џенифер се појави со Крис Пајн. Привлечниот пар ѝ додели Оскар на костимографката Милена Канонеро за филмот „The Grand Budapest Hotel“.
