Џенифер Лопез е ѕвездата од новото издание на „W“. 46-годишната пејачка и актерка го разубавува мајското издание на познатото списание.
Згодната музичарка позираше во креации од врвни модни куќи како Џамбатиста Вали, Шанел, Мајкл Корс и Фенди.
Едиторијалот бил снимен под палката на талентираното фотографско дуо Инез и Винуд.
Во интервјуто за списанието, Лопез признала дека ѝ било многу тешко да остане во пријателски односи со Марк Антони по разводот и дека многу се трудела да одржува добри контакти поради нивните две деца – близначињата Ема и Макс.
„Кога станува збор за работа, никогаш не се уморувам. Но, со личните неуспеси си помислувам: Ова е толку тешко“ – признала таа. „Кога мојот брак заврши, не беше лесно да најдам прошка. Тоа не беше сонот за кој се надевав и беше полесно да се разгори огнот на незадоволството, разочарувањето и гневот. Но, Марк е таткото на моите деца и тоа никогаш нема да се промени. Па, затоа треба да се потрудам да биде сè во ред. И тоа е досега најтешката работа којашто сум ја направила“ – додала Лопез.
