Џенифер Лопез незапирливо го освојува светот како пејачка, актерка, дизајнерка, а од неодамна и како писателка со својата прва книга „True Love“. Нејзиното лице може да се види низ куп светски списанија. Најновиот едиторијал на Лопез е објавен во руското списание „Harper’s Bazaar“.
На корицата, 45-годишната ѕвезда самоуверено позира во темносина креација на Роберто Кавали.
Екстравагантната фотосесија вклучува и креации од Зухаир Мурад, Долче и Габана и Маркеса.
Фотографското дуо составено од Стивен Гомилион и Денис Леополд ја овековечи замислата на стилистката Елизабет Габрал.
