ФОТО: Џенифер Гарнер се прегрнува со мајката на Бен Афлек додека кружат гласини дека тој се раздели со Лопез
Мајката на Бен Афлек и неговата поранешна сопруга Џенифер Гарнер сè уште имаат огромна почит една кон друга.
52-годишната актерка беше фотографирана додека се прегрнуваше со поранешната свекрва Крис откако случајно налета на неа и на Бен пред училиштето на нивните деца во Санта Моника. Тоа беше последниот училиштен ден на нивниот 12-годишен син Семјуел.
Иако поминаа девет години откако поранешните партнери одлучија да се разделат, тоа не ја прекина нивната поврзаност. Тие заедно имаат три деца и го делат старателството над нив, па поради тоа, многу често се среќаваат и комуницираат.
Бен е во центарот на вниманието на јавноста и папараците го следат секој негов чекор откако започнаа да се шират гласини дека тој има брачни проблеми и дека се разделува од Џенифер Лопез. Бројни се изјавите дека тие повеќе не живеат заедно, а пред неколку дена TMZ објави дека „тивко“ се обиделе да ја продадат куќата од 60 милиони долари која ја купија по свадбата.
