Последниот пат кога Џенифер Анистон се појави во машкото списание „GQ“, врз себе носеше само вратоврска. За мартовското издание на списанието, 43-годишната актерка овојпат позираше по црн градник и мини сукња, заедно со нејзиниот долгогодишен пријател Пол Рад.
Двајцата актери направија забавна фотосесија пред објективот на Тери Ричардсон. На фотографиите Џенифер и Пол си разменуваат нежности и се забавуваат в кревет тепајќи се со перници, а на некои од фотографиите Џен станува малку насилна.
Во интервјуто за списанието познатата актерка сподели дека не е бремена како што шпекулираа медиумите и дека гласините најверојатно запознале бидејќи се поздебелила како резултат на тоа што ги откажала цигарите. „Па, неодамна престанав да пушам и се качуваат килограми. Има разлика, особено ако не си во 20-тите години од животот. Сметам дека луѓето можеби сакаат да имам дете сега“ – објаснила таа.
Џенифер и Пол се познаваат околу 20 години. Во 1998 година го снимија својот прв заеднички филм „The Object of My Affection“. Оттогаш Анистон има глумено во многу комедии заедно со други актери, но како што вели Пол, актерите се потрошиле, па сега повторно нему му е дојден редот. Нивниот нов заеднички проект е филмот „Wanderlust“.
