Џенифер Анистон и Џенифер Лоренс одлучија дека е време за промени во изгледот.
44-годишната ѕвезда од „Friends“ ги изненади своите фанови со „боб“ фризура. Потстрижувањето е дело на познатиот стилист на коса Крис МекМилан, одговорен за создавањето на незаборавната „Рејчел“ фризура.
„Всушност, наскоро немам појавувања на црвениот тепих. Ова е само за мене! Се чувствувам прекрасно. Се чувствувам полесно. Едноставна е, навистина е едноставна. Јас сум од оние девојки кои се потстрижуваат само за поздрава коса, за да се отстрани штетата од обојувањето и другите нешта. А и ми стана малку здодевно, искрено. Промената е забавна одвреме-навреме“ – изјавила Анистон за „Вог“.
Џенифер Лоренс отиде чекор понапред со скратувањето на косата и објави фотографија од новата „пикси“ фризура.
23-годишната актерка од „The Hunger Games“ сподели и фотографии на кои ги тестира очилата „Google Glass“ и позира со Мариса Мајер и Френсис Лоренс.
