Познатиот фотограф Тери Ричардсон го нарече својот нов мини албум „Њујоршка љубовна приказна“. Главни ѕвезди во него се Џенифер Анистон и нејзиниот сакан Џастин Теру.
За црно-белите фотографии заљубените актери позираа на покривот на зграда, покажувајќи ја својата љубов со мала доза на хумор.
Дека врската на Џен и Џастин станува сè посериозна говори фактот што тие живеат заедно, а медиумите веќе шпекулираат дека парот е пред свршувачка.
„Тој сакаше да ја однесе на долго патување во Санта Барбара и да ѝ предложи брак на плажа. Тој знае дека Џен е вистинската“ – изјавил близок на Џастин за списанието In Touch.