Чинција Болоњези е талентирана артистка, која на одличен начин ја изразува својата креативност додека го пие утринското кафе. Умешната Италијанка црта слатки илустрации до филџанот со кафе, а потоа ги објавува на својот профил на Instagram.
Прекрасниот ритуал на Чинција започнал сосема случајно, кога еден ден несвесно нацртала приказна на црн материјал кој вообичаено ѝ служел за работа. Подоцна, истото започнала да го прави и на хартиени салфетки.
„Откако започнав да цртам веднаш до моето утринско кафе, повеќе не можев да престанам. Сега цртам мали илустрации дури и кога пијам кафе во кафуле, или едноставно додека патувам. Земам хартиена салфетка и на неа го цртам она што ме инспирирало од тоа место, па не можам да ги исфрлам“ – вели таа.
