Дејвид Бекам ја заврши својата турнеја низ светот како амбасадор на добрата волја на УНИЦЕФ. Тој патуваше од континент на континент за да биде дел од седум фудбалски натпревари организирани од Фондот за деца при Обединетите Нации.
За последниот фудбалски меч кој се одржа во Манчестер, 40-годишниот спортист ја доби поддршката од своите четири деца.
Малата Харпер и нејзините браќа Круз и Ромео најпрво позираа со својот татко на теренот, а потоа го следеа натпреварот од трибините. Бруклин пак играше на местото на својот татко во последните 15-ина минути од натпреварот.
Славните татко и син играа од страна на тимот „Велика Британија и Ирска“ и се бореа за победа над спротивниот тим „Остатокот од светот“. Фудбалскиот меч заврши со резултат 3:1 за тимот на Бекам.
