Во Париз се одржа ревија која ќе ви ја зголеми желбата за вкусни слатки задоволства. Во рамките на саемот „Salon du Chocolat“ се одржа модно шоу на кое беа презентирани креации вешто декорирани со чоколадни украси.
Експерти за чоколадо и мода ги покажаа своите вештини создавајќи примамливи креации кои ќе ве искушуваат да посегнете по неколку коцки чоколадо.
Саемот се одржува секоја година и е посветен на чоколадото и какаото. На ревијата во Градот на светлината дефилираа петнаесет славни личности од Франција.
