За Џенифер Лопез времето исто како да застанало. Привлечната ѕвезда изгледа фантастично на 45-годишна возраст, а фотографиите од новото издание на „Self“ се потврда за тоа.
Славната пејачка и актерка позираше во бела облека која го истакна нејзиното тонирано тело. Фотографиите биле направени во Вест Холивуд од страна на Алекси Љубомирски.
Лопез е незапирлива кога станува збор за работата. Во новата година таа ќе промовира два нови филма, нова музика и нова телевизиска серија. „Сакам на сите да им покажам дека можам да направам сè и да бидам супержена. Но, морам да си издвојувам и време за себе“ – рекла таа во интервју за списанието.
Во новиот филм „The Boy Next Door“, Лопез глуми мајка која е заведена од 19-годишен сосед, но веднаш потоа се кае за сексуалната авантура за една ноќ. На прашањето што ја привлекло кон таа улога, Лопез одговорила: „Можам да се поврзам со неа. Поминав низ развод. Ме имаат изневерено во животот, како и секоја друга девојка на светот. Па, можам да сочувствувам, ги разбирам тие емоции. Исто така, еднаш во животот бев во врска со помладо момче, па и тој дел можам да го разберам.“