Анџелина Џоли беше специјална гостинка на 77-мото издание на наградите Тони, каде претставата „The Outsiders“, на која работеше како продуцентка, беше номинирана во 12 категории.
49-годишната актерка пристигна на манифестацијата со својата 15-годишна ќерка Вивиен, која ѝ беше асистентка за време на подготовките на претставата. Славните мајка и ќерка гордо позираа заедно пред фоторепортерите.
Убавата холивудска ѕвезда изгледаше како божица во кадифена креација со наметка од Версаче, а Вивиен носеше широки панталони и елече во складна нијанса, кои ги надополни со класична бела кошула.
Неодамна беше објавено дека Вивиен во документите за претставата го изостави презимето на својот татко Бред Пит. На документите стои Вивиен Џоли, наместо Вивиен Џоли-Пит.
„The Outsiders“ освои четири награди, меѓу кои и главната за Најдобар мјузикл.
