Џорџ и Амал Клуни уживаа во романтична вечера во Чернобио, Италија. 56-годишниот актер и 39-годишната адвокатка, кои минатиот месец станаа родители на близнаци, беа фотографирани додека се упатуваа во „Villa d’Este“ покрај езерото Комо.
Амал изгледаше шармантно во жолто фустанче покрај својот сакан.
„Сите беа пресреќни што ги видоа со Амал на вечера. Добија многу прегратки и љубов. Амал изгледаше прекрасно и не изгледаше ни малку уморна. Се смееше и изгледаше среќно“ – изјавил анонимен извор за People.
Клуни и претходната вечер беа „уловени“ од папараците.
Пред десетина дена, славниот пар беше фотографиран кога пристигна во Милано со близначињата Ела и Александар.
Холивудскиот шармер и угледната правничка се во брак од септември 2014 година.
