Бритни Спирс направи секси фотосесија за списанието Shape и сподели пет јога вежби со кои го обликува своето тело.
Вежба 1
Седнете на подот, така што колената да ви бидат свиткани, а рацете испружени напред на висина на градите. Дланките насочете ги една кон друга. Навалувајте се наназад додека не почувствувате активирање на стомачните мускули, а потоа подигнете ги нозете при што потколениците да ви бидат паралелни на подот (како на сликата).
Задржете се во таа положба 3 длабоки вдишувања и издишувања, па спуштете ги нозете. Одморете 30 секунди и повторете ја вежбата уште двапати.
Вежба 2
Застанете исправени. Дланките нека ви бидат насочени кон бутовите. Направете голем чекор напред со левата нога, така што надколеницата да ви биде речиси паралелна на подот, а потоа подигнете ги рацете високо над главата и притиснете ги дланките една со друга (како на сликата).
Задржете се во таа положба 5-10 вдишувања и издишувања. Повлечете ја десната нога до левата. Повторете исчекор со другата нога.
Вежба 3
Застанете исправени. Нозете нека ви бидат една до друга, а рацете испружени на двете страни. Направете голем чекор со левата нога и свртете го десното стапало нанадвор. Свиткајте го левото колено. Во најдобар случај надколеницата треба да е паралелна на подот. Подигнете ги рацете на ниво на рамената и насочете го погледот кон врвовите на прстите на рацете на левата рака (како на сликата).
Задржете со во таа положба 5 вдишувања и издишувања, а потоа повторете ја вежбата на другата страна.
Вежба 4
Легнете со лицето свртени кон подот. Вдишувајте додека ги свиткувате колената, а со рацете посегнувате за да ги дофатите глуждовите на нозете. Издишете и притиснете со глуждовите кон дланките, подигајќи ги бутовите од подот (како на сликата).
Задржете се во таа положба 5 вдишувања и издишувања, а потоа вратете се во почетната положба.
Вежба 5
Клекнете на подот. Нозете нека ви бидат на иста ширина со колковите. Свиткајте го грбот наназад и посегнете прво со десната рака кон десниот глужд на ногата, а потоа со левата рака кон левиот глужд. Подигнете ги градите и притиснете со колковите нанапред додека ја држите главата свитканата наназад (како на сликата).
Задржете се во таа положба 5-10 вдишувања и издишувања. За да се исправите, направете ги сите потези во обратен редослед.
Предложените вежби ќе ви помогнат да ги обликувате рамената, јадрото и долниот дел на телото, додека истовремено ја подобрувате флексибилноста. Правете ги вежбите по дадениот редослед за да завршите една серија. Можете да направите до три серии.
