Криси Тиген има уште еден добар повод за славење. Познатата манекенка, која неодамна објави дека е бремена со првото дете, денес ќе го прослави својот 30. роденден.
Сопругата на талентираниот Џон Леџенд ја започна својата кариера во модната индустрија во 2004 година, а се прослави шест години подоцна со егзотичната фотосесија за списанието „Sports Illustrated“.
Тиген и Леџенд се запознаа за време на снимањето на видеозаписот за песната „Stereo“ на Леџенд. Тие се верија во декември 2011 година, а ја крунисаа својата врска со брак во септември 2013 година во Италија.
Криси се појавува во спотот на својот сопруг за песната „All Of Me“, која Џон ја напиша за неа и е инспирирана од нивната врска.
Тиген има свој блог за храна, So delushious, на кој ги споделува своите кулинарски дела и вештини.
По повод роденденот на долгоногата манекенка, погледнете 30 од нејзините највпечатливи стилски моменти.
