Ема Вотсон порасна пред очите на јавноста и денес го слави 25. роденден. Слатката „волшебничка“ од филмовите „Хари Потер“ се претвори во атрактивна млада дама.
Шармантната актерка, која е мошне пребирлива кога станува збор за прифаќање на нови улоги, минатата година дипломира на Универзитетот Браун, а од неодамна активно се залага за еднакви права на мажите и жените. Во септември минатата година, Вотсон ја започна кампањата на Обединетите нации „He For She“ со моќен говор, со кој ги повика мажите да дадат свој придонес за постигнување на родова еднаквост.
Секој чекор на Ема на црвениот тепих е будно следен, а секој нејзин стилски избор е детално анализиран. Погледнете 25 од највпечатливите стилски моменти на Вотсон, која наредно ќе ја видиме во дизниевата бајка „Убавицата и ѕверот“.
