„Феномен“ – спотот за новата авторска песна на Полина Тас, со која отвора ново музичко поглавје

Полина Тас го објави спотот за својата нова авторска песна, насловена „Феномен“.

Синглот е проследен со впечатлив и визуелно силен видео запис. Со овој проект, Полина започнува ново музичко поглавје во кое автентичноста, емоцијата и личната слобода се во центарот на нејзиниот израз.

„Феномен“ е современа поп композиција со модерен звук, која носи порака за индивидуалност, различност и храброст да се биде свој. Песната зборува за личност која не се вклопува во шаблони, туку токму во тоа ја наоѓа својата сила – објасни Полина.

„Феномен“ е дел од истоимениот музички проект на Полина, кој ќе биде објавен во текот на годината. Во него учествуваат и Иван Костадинов-Панда како продуцент и автор на песната, Владислав Гавриловски кој стои зад видео записот и уметникот Бојан Ковски кој воедно е и главниот машки лик во спотот. 

Модните креации се на Мите Занов, а зад целата идеа на видеото стои креаторот Андреј Папаз.