Фановите на Пирс Броснан во одбрана на неговата сопруга откако нивни фотографии беа објавени како „потсетник зошто мажите да не стапуваат во брак“

Интернет трол поттикна бран коментари откако искористи фотографии од Пирс Броснан и неговата сопруга Кили Смит како „потсетник за мажите да не стапуваат во брак“.

Првата фотографија е од заедничко појавување на парот во 1996 година, а втората од премиерата на „Mamma Mia!“ Во 2008 година.

„Драги мажи, ова е ваш секојдневен потсетник да го избегнувате бракот“ – пишува во коментарот.

Многумина застанаа во одбрана на Пирс и Кили, особено затоа што нивната љубовна приказна се смета за една од најромантичните во Холивуд.

Ова се само некои од коментарите:

„Не разбирам зошто некои мажи се обидуваат да ја деградираат сопругата на Броснан. Тие се среќни, стареат достоинствено и таа беше и е апсолутно прекрасна.“

„Пирс Броснан ја освои лотаријата на животот. Женет е веќе 30 години и и двајцата стареат достоинствено.“

„Зошто? Тие и двајцата се среќни и се ценат еден со друг. Не гледам зошто го пишуваш ова. Не можеше да избереш полош пример. Прво, таа е убава на двете фотографии и второ, тие зрачат со искрена среќа.“

72-годишниот актер и 62-годишната новинарка се запознаа во 1994 година, а се во брак од 2001 година. Двојката има два сина – Дилан и Парис.